– Претседателката на Косово, Вјоса Османи, вечерва објави дека му го дава мандатот за формирање нова влада во Приштина на Гљаук Коњуфца, на предлог на Самоопределување.
Османи на прес-конференција изјави дека се консултирала со парламентарните политички партии за надминување на моменталната ситуација и дека му го доверила мандатот на друг кандидат откако премиерот на техничкиот мандат, Албин Курти, не успеа да обезбеди мнозинство, објави Репортери.
Таа потсети дека Коњуфца има 15 дена да предложи нова влада до парламентот.
Парламентот во Приштина на 26 октомври не избра нова влада предложена од претседателот на Самоопределување, Албин Курти, и според уставот , ако не се избере влада во вториот обид, се распишуваат нови избори, кои мора да се одржат во рок од 40 дена од датумот на распишувањето.
Изборите за собранието наКосово а се одржаа на 9 февруари, а претседателот на парламентот беше избран дури на 26 август, по бројни прекини на конститутивната седница и одлуки на уставниот суд.
На изборите на 9 февруари, Самоопределување освои 48 места, Демократската партија на Косово 24, Демократската лига на Косово 20, а Алијансата за иднината на Косово и иницијативата Нисма осум места.
Српската листа има девет места, Партијата за слобода, правда и опстанок едно, а преостанатите 10 места им припаѓаат на претставници на другите немнозински заедници.
