Таксистите во Атика ќе стапат во 48-часовен штрајк денеска и во четврток, 5 и 6 ноември, објави Синдикатот на таксистите во Атика (SATA).
Главните барања на SATA се однесуваат на поповолни услови за работа
Таксистите бараат и даночни олеснувања до 12.000 евра, како и бесплатен премин на такси возилата низ сообраќајните ленти без никакви ограничувања
Штрајкот е организиран од синдикатот на такси превозници (САТА) кои реагираат за министерската одлука со која им се дозволува на приватни комбиња да пренесуваат патници, но и одлуката од 1 јануари 2026 година такси возилата задолжително да бидат електрични.
Велат дека не постои реален план за премин од обични кон електрични автомобили и „оваа одлука е катастрофа за секторот“, паралелно барајќи примената да се префрли за 2035 година.
Дополнително ги истакнуваат и останатите нивни барања како што се: поддршка на професионалните такси возачи; ставање крај на дигиталните платформи за такси превоз; дозвола за движење во автобуските ленти итн.
Штрајкот на таксистите ќе заврши в петок во 6 часот наутро.
