Европската унија има намера да го суспендира издавањето на повеќекратни шенгенски визи за Русите „во повеќето случаи“.

Ова го откри „Политико“, повикувајќи се на неименувани европски претставници.

Како резултат на тоа, со некои исклучоци, Русите ќе можат да добиваат визи само за еднократни патувања. Исклучоци од ова правило можат да се направат само од хуманитарни причини или за лица кои имаат и државјанство на една од земјите на ЕУ .

Издавањето визи останува во надлежност на поединечните земји, па затоа Европската комисија може само да го комплицира процесот на добивање на овие документи, но не и да воведе целосна и сеопфатна забрана за влез на руски туристи, објаснува Политико.

Изданието потсетува дека, според податоците на ЕК, во 2024 година, над 500 илјади Руси добиле Шенген визи, што е значително повеќе од претходната година, иако помалку од 2019 година, кога на руските граѓани им биле издадени околу 4 милиони дозволи .