Ким Кардашијан сподели со јавноста дека паднала на правниот испит, клучен чекор на нејзиниот пат да стане адвокат. И покрај неуспехот, основачот на брендот SKIMS изјави дека не планира да се откаже од својот сон.
“Јас сум на ова правно патување шест години и сè уште сум целосно посветена додека не го положам правниот испит”, напиша Ким во пост на нејзините приказни на Инстаграм. “Без кратки патишта, без предавање – само повеќе учење и уште повеќе одлучност”.
Таа додаде дека неуспехот само ја охрабрува уште повеќе. “Неуспехот не е пад – тоа е гориво. Бев толку блиску до полагање на испитот и тоа само ме мотивира уште повеќе”.
Реалити ѕвездата исто така се пошегува за нејзината улога како адвокат за развод во ТВ драма: “Јас сè уште не сум адвокат, само глумам многу добро облечена на телевизија”.
Патот на Ким Кардашијан до кариера во правото се одвива со години. Во 2018 година, таа започнала четиригодишно стажирање во адвокатска фирма во Сан Франциско. Таа го полагаше т.н. испит “бејби бар”, кој го означува крајот на првата година од студиите за студенти кои не посетуваат акредитирани правни факултети, три пати пред конечно да го положи во 2021 година. Покрај тоа, според неколку извори, во март оваа година, таа го положила испитот за професионална одговорност.
Таа ја обвини вештачката интелигенција за неуспехот.
Интересно е дека Ким призна дека користела некои методи за време на студиите кои не се исплатиле, и делумно го обвини популарниот ChatGPT за нејзиниот неуспех.
“Тие секогаш грешат”, објасни Ким за време на гостувањето на Vanity Fair’s Lie Detector Test, зборувајќи за одговорите што ги добила од chatbots. “Затоа постојано паѓав на испитите. И тогаш се лутам и му викам: “Ти ме натера да паднам! Зошто го направи тоа?” И тој ми одговори.”
Амбиции за иднината
И покрај пречките, 45-годишната има јасна визија за нејзината иднина. “Можеби за 10 години, мислам дека ќе се откажам од тоа да бидам Ким К. и ќе бидам адвокат”, рече таа кон крајот на октомври на The Graham Norton Show. “Тоа е она што навистина го сакам.”
“Секогаш сакам да растем, да бидам љубопитна и да се развивам, и сакам да видам каде ме однесе тоа”, заклучува Ким.
