Градоначалникот на Скопје, Орце Ѓорѓиевски во објава на Фејсбук објави дека во акцијата за чистење на градот биле вклучени над 2500 луѓе и над 100 возила.
Во објавата информира дека досега се напишани дестици казни на неколку правни субјекти кои несоодветно го одложувале отпадот.
– Сакам да апелирам до нашиот народ да се однесува одговорно кон животната средина. Несовесното одложување на отпад нема да се толерира – ќе биде казнето! Досега напишани се десетици казни на неколку правни субјекти, а оваа пракса ќе продолжи за секој оној кој го загрозува нашето здравје, пишува Ѓоргиевски во објавата.
