Хрватската влада итно го осуди нападот врз новинарската екипа на Н1 Хрватска, кои беа вербално и физички нападнати од маж на плоштадот Бан Јелачиќ во Загреб во среда попладне, нагласувајќи дека „медиумските работници и новинарите треба да бидат слободни да ја работат својата работа, а нивната безбедност да биде загарантирана“.
„Го осудуваме нападот врз новинарската екипа на Н1 Хрватска. Полицијата реагираше брзо и го приведе осомничениот за насилниот чин. Медиумските работници и новинарите треба да бидат слободни да ја работат својата работа, а нивната безбедност треба да биде загарантирана“, објави хрватската влада на социјалната платформа X.
Масовна тепачка меѓу маскирани млади мажи во центарот на Загреб
Загрепската полиција претходно објави дека привела маж кој вербално и физички нападнал новинар и снимател од телевизијата Н1 во среда околу 13:55 часот додека си ја вршеле својата работа на плоштадот Бан Јелачиќ во Загреб.
„Како резултат на итниот одговор, лицето поврзано со нападот е под полициски надзор. Во тек е кривична истрага“, соопшти Полициската управа во Загреб.
