Времето за украсување на божиќната елка се приближува, и изгледа дека еден од најважните чекори – поставувањето на светилките – цело време бил направен погрешно. Ако планирате наскоро да ги извадите вашите украси, еден совет од социјалните мрежи може целосно да го промени вашето искуство и да ја направи елката поубава од кога било.
Лондонската креаторка на содржини, Камила Смит, која често споделува совети за домашна декорација онлајн, демонстрираше трик што го нарекува револуционерен. Нејзината тајна е едноставна: “Поставете ги светлата горе и надолу, не во круг.”
Побрза инсталација и полесно отстранување
Наместо да ги обвиткуваат светлата околу дрвото безброј пати, Камила и нејзиниот партнер покажаа како ги поставуваат во вертикални линии.
На нивното дрво, кое е речиси два и пол метри високо, користеле две пакети светилки, и резултатот, како што тврдат, е спектакуларен. “Секоја година ова менува сè!”, објасни таа во видеото.
Покрај тоа што елката е поубава и рамномерно осветлена, Камила го нагласува и практичниот аспект. “Многу полесно се распоредува, а и полесно се отстранува!”, додаде таа, и им рече на сите што сакаа да ја пробаат нејзината метода: “Благодари ми подоцна.”
Трик што ги воодушеви милиони
Видеото на Камила, објавено на TikTok под корисничкото име @camillas_edit, брзо стана вирално и собра повеќе од три милиони прегледи. Корисниците на социјалните мрежи беа воодушевени од едноставноста на трикот и благодарни за советите.
“Зошто никогаш не ми падна на памет”, “Брилијантна идеја.”, “Ти ме спаси”, “Ми се допаѓа како испадна” и “Изгледа прекрасно”, се некои од коментарите.
