Во 2022 година, една од најдискутираните теми во јавниот и медиумскиот простор беше случајот меѓу Амбер Херд и Џони Деп. Набргу откако актерот победи на суд, неговата сега веќе поранешна сопруга се пресели во Шпанија. А нејзиниот нов живот таму очигледно е првенствено фокусиран на одгледување деца.

„Радостите на Денот на благодарноста низ годините. Поглед назад кон сите полни срца и чинии што ги споделив. Се надевам дека ќе ги имате и двете оваа година“, пишува во описот на нејзината објава.

Амбер Херд е веќе мајка на три деца. Таа го пречека своето прво бебе, ќерката Уна, во април 2021 година, а претходно оваа година, близнаците Оушн и Агнес, исто така преку сурогат мајка, објави „Пипл“.

Кога ја објави веста на Инстаграм кратко по раѓањето на своето прво дете, актерката откри малку повеќе за својата одлука да стане мајка под „свои услови“.

„Пред четири години решив дека сакам да имам дете. Сакав да го направам тоа според мои услови. Сега разбирам колку е радикално за нас како жени да размислуваме за еден од најфундаменталните делови од нашата судбина на овој начин. Се надевам дека ќе стигнеме до точка каде што ќе се нормализира да не сакаме прстен за да имаме креветче.“

„Таа е почетокот на остатокот од мојот живот“, напиша Амбер Херд  на фотографијата на која ја прегрнува својата ќерка Уна.

Во мај 2025 година, актерката откри дека повторно станала мајка, овој пат на близнаци. Повторно, во објава на социјалните мрежи, таа сподели дека е „преплавена од неописливо возбудување“ што го прославува проширувањето на семејството што го посакувала со години. Таа, исто така, се осврна на темата за изборот сама да тргне по патот на мајчинството.