Европската комисија изготви план за значително олеснување на еколошките прописи за индустријата, вклучително и укинување на клучните обврски за известување за загадувањето, отпадот и користењето на ресурсите , објави Ројтерс, повикувајќи се на нацрт-документ што треба да биде објавен во среда.

Иницијативата е дел од таканаречениот „омнибус пакет“ на ЕУ, насочен кон намалување на бирократијата и ублажување на притисокот врз бизнисите, кои велат дека строгите зелени правила ја ослабуваат нивната конкурентност во однос на Кина и САД.

Предлогот би го отстранил условот секој индустриски погон и фарма за добиток да има свој систем за управување со животната средина . Наместо тоа, компаниите би можеле да одржуваат единствена, поедноставена верзија за сите свои локации, а исто така би ја отстранил и обврската за откривање на употребата на опасни хемикалии.

Нацртот, исто така, ја отстранува обврската за таканаречените „планови за трансформација“ , кои требаше да ги усогласат активностите на индустриските капацитети со климатските цели на ЕУ. Сточарските и рибните фарми повеќе нема да мора да известуваат за количините на вода и енергија што се користат. Документот, исто така, предвидува поедноставување на еколошките проценки за индустриските и енергетските проекти , тврдејќи дека ова ќе ги постигне еколошките цели поефикасно, поевтино и попаметно.

Внатрешната проценка на Комисијата сугерира дека предлозите би можеле да ги намалат административните трошоци за околу 1 милијарда евра годишно . Брисел веќе постави цел за намалување на товарот за известување врз компаниите за 25% до 2029 година, а во изминатата година ЕУ веќе ослабна или одложи неколку зелени политики – вклучувајќи ги правилата против уништување на шумите , делови од законодавството за одржливост и условите за зелени субвенции за земјоделците. Но, предложените промени предизвикаа критики од еколошките групи, како и од некои бизниси и инвеститори , кои ја обвинуваат ЕУ за постепено укинување на регулативите што се сметаат за клучни за управување со климатските ризици и привлекување инвестиции во зелената транзиција.

Европската комисија одби да коментира, велејќи дека нацрт-документот може да претрпи измени пред официјално да биде презентиран. Сите измени во законодавството мора да бидат одобрени од земјите-членки и Европскиот парламент. Во меѓувреме, некои влади се залагаат за понатамошно слабеење на зелените политики , вклучително и ревизија на планираната забрана за продажба на нови автомобили со мотори со внатрешно согорување од 2035 година, шт