Француската пошта денес беше цел на кибернапад, а покрај онлајн поштенските услуги, беа нарушени и банкарските страници и апликации, објавија француските медиуми.
Инцидентот се случил во средината на божиќната брзање, а како што објави Француската пошта, испораката на пакети и писма до домашни адреси беше исто така оневозможена, објави „Фигаро“.
Како што објави оваа компанија, инцидентот немал влијание врз податоците на корисниците.
Како што е објавено, кибернападот може да биде оркестриран од еден или повеќе злонамерни корисници кои ја преоптоваруваат страницата со барања за најавување, со што ги блокираат сите поврзани услуги.
Веб-страницата на Француската пошта е сè уште недостапна, а како што е објавено, експертски тимови прават сè што можат за да ја нормализираат ситуацијата што е можно поскоро.
Многу корисници, исто така, пријавиле дека имаат тешкотии со пристапот до веб-страниците и онлајн услугите на неколку банки, вклучувајќи ја и Поштенската банка.
Како што објави Поштенската банка, тимови од експерти вложуваат максимални напори за да ја решат оваа ситуација што е можно поскоро, објави парискиот дневен весник.
