Новогодишни куќички во чаршијата во Струга добија забрана за работа поради неисполнување на основни хигиенски услови. Куќичките не биле поврзани на градската водоводна мрежа и немале спроведено дезинсекција и дератизација, а вработените немале извршено санитарни прегледи.
Контролата била спроведена во девет куќички на 22 декември од страна на Агенцијата за храна и ветеринарство.
– Со контролата спроведена на 22 овој месец, утврдено е дека во куќарките работеле физички лица и тоа во нехигиенски услови, односно куќарките не биле поврзани на градската водоводна мрежа, немале спроведена задолжителна дезинфекција, дезинсекција и дератизација, лицата немале спроведени задолжителни здравствено – санитарни прегледи, а не се почитувале ниту правилата на Добра призводствена и Добра хигиенска пракса, велат од АХВ.
