Илустрација: ShutterstockДругите обвинети во случајот, Мета (сопственик на Инстаграм), БајтДенс (сопственик на ТикТок) и Алфабет (сопственик на Јутјуб), не се спогодија. Тужителката, 19-годишна жена идентификувана со иницијалите КГМ, тврди дека алгоритамскиот дизајн на платформата ја направил зависна и негативно влијаел врз нејзиното ментално здравје.

Бидејќи не е постигнат договор со другите страни, судењето продолжува против преостанатите тројца обвинети, а изборот на поротници е закажан да започне на 27 јануари. Се очекува извршниот директор на „Мета“, Марк Закерберг, да сведочи на судењето, а до вчерашното спогодување, извршниот директор на „Снеп“, Еван Шпигел, исто така беше на списокот на сведоци.

„Мета“, „ТикТок“ и „Алфабет“ не одговорија на барањата на Би-Би-Си за коментар за спогодбата. „Снеп“ останува обвинет во други, консолидирани случаи што се однесуваат на зависноста од социјалните медиуми. Овие внимателно следени случаи би можеле да ја оспорат правната теорија што компаниите за социјални медиуми досега ја користеа за да се заштитат од одговорност.

Тие долго време тврдат дека Член 230 од Законот за пристојност во комуникациите од 1996 година ги штити од одговорност за содржина објавена од трети страни на нивните платформи. Сепак, тужителите тврдат дека платформите се дизајнирани на начин што ги прави корисниците зависни.

Тие го прават ова преку избори што влијаат на нивните алгоритми и известувања. Компаниите за социјални медиуми изјавија дека доказите на тужителите се недоволни за да докажат дека тие се одговорни за штети како што се депресијата и нарушувањата во исхраната.