Втората рунда мировни разговори меѓу Украина и Русија треба да започне денес во Абу Даби, иако украинскиот претседател Володимир Зеленски навести можност за одложување на разговорите поради кризата меѓу САД и Иран.
Зеленски синоќа изјави дека украинските преговарачи чекаат потврда од САД за понатамошни состаноци и додаде дека Украина е подготвена да преговара во сите формати, но очекува конкретни резултати.
„Сметаме на состаноци следната недела и се подготвуваме за нив“, рече тој, според Гардијан.
САД изјавија дека двете страни се „блиску до договор“, но, според украински извори, клучна пречка во повоеното решавање остануваат териториите.
Извори од германската агенција ДПА наведуваат дека првите директни разговори се обновени по долга пауза, одржани минатата недела зад затворени врати, со посредство на САД преку главниот преговарач Стив Виткоф.
Овој пат, Украина и Русија ќе преговараат без американски претставници.
Украинската делегација ја предводи главниот преговарач Рустем Умеров, додека рускиот тим го предводи шефот на воената разузнавачка служба ГРУ, Игор Костјуков.
На барање на американскиот претседател Доналд Трамп, Русија привремено ги прекина нападите врз украинската енергетска инфраструктура поради екстремната зима, но нападите врз други цели продолжија.
Кремљ соопшти дека ограниченото примирје ќе трае до денес за да се создаде „добра основа“ за преговори.
Зеленски рече дека нема формален договор за прекин на огнот, но рече дека Украина нема да нападне руски енергетски цели ако Русија ги исполни своите ветувања.
