Според него, околу осум проценти од светската популација имаат генетска мутација која ја предизвикува оваа реакција, при што најголем дел од засегнатите потекнуваат од Источна Азија.
Што е реакција на црвенило од алкохол?
„Доколку поцрвенувате кога пиете алкохол, тоа може да биде генетски дефект познат како реакција на црвенило од алкохол и претставува предупредување за вашето здравје“, вели д-р Раџа.
Тој објаснува дека состојбата се јавува поради недостиг на ензимот алдехид дехидрогеназа 2 (ALDH2), кој е неопходен за правилно разградување на алкохолот во организмот.
„Кога пиете алкохол, телото го претвора во ацеталдехид – супстанца која е потоксична од самиот алкохол. Овој ацеталдехид нормално се разградува во безопасен ацетат, но кај лицата со мутација се натрупува во крвта“, објаснува Раџа.
Тој додава дека токму ова натрупување предизвикува црвенило, забрзано чукање на срцето и чувство на топлина, но и значително го зголемува ризикот од развој на рак.
Кои се симптомите?
Нетолеранцијата на алкохол претставува наследно метаболичко нарушување кое влијае на начинот на кој телото го обработува алкохолот. Според Клиниката во Кливленд, најчестите симптоми се црвенило и чувство на топлина во лицето, вратот и градите веднаш по консумирање алкохол, гадење и повраќање, забрзано или неправилно чукање на срцето и намален крвен притисок.
Дополнително, може да се појават пулсирачки главоболки, замор, назална конгестија, дијареја и влошување на симптомите кај лица со астма.
Зголемен ризик од рак и нови методи за откривање
Шиња Охаши, вонреден професор на Универзитетската болница во Кјото, заедно со својот колега М. Муто, укажува дека мерењето на ацеталдехидот претставува подиректен начин за проценка на ризикот.
Нивниот истражувачки тим развил уред кој ги мери нивоата на ацеталдехид во издишаниот воздух.
Вишиот предавач по медицина на Универзитетот во Кјото, Акира Јокојама, исто така ја истражува поврзаноста меѓу алкохолот и ракот и ја нагласува важноста од раното откривање.
„Околу 80 отсто од случаите на рак на хранопроводот во светот се регистрирани во Азија, а се очекува бројот на случаи кај азиското население да се зголеми за 63 отсто до 2040 година, поради зголемената консумација на алкохол и стареењето на населението“, заклучува Јокојама.
