Според Фондацијата за истражување на мигрена, храната што предизвикува мигрена може да го стори тоа само кога се комбинира со други предизвикувачи. Не постои такво нешто како универзален предизвикувач на мигрена, но постојат некои кои можат да предизвикаат или да придонесат за епизоди на мигрена кај некои луѓе.
Кофеин
Премногу кофеин може да предизвика мигрена или главоболка. Но, според Фондацијата за мигрена на Америка, кофеинот всушност може да помогне да се запре претстојниот напад на мигрена. Исто така, со повремено консумирање може да ја ублажи главоболката. Најдобро е да тестирате како кофеинот влијае на вас и да постапите соодветно. Освен кафето, кофеин содржат и енергетските пијалоци, црниот чај и чоколадото.
Вештачки засладувачи
Многу преработена храна содржи вештачки засладувачи. Ова се алтернативи на шеќер кои се додаваат во храната и пијалоците но, овие засладувачи можат да предизвикаат мигрена, особено аспартамот.
Алкохол
Алкохолот е еден од најчестите производи за кои се смета дека предизвикува мигрена. Според една студија, над 35% од учесниците со мигрена изјавиле дека алкохолот бил еден од нивните вообичаени предизвикувачи. Црвеното вино особено, а над 77% од учесниците го пријавиле алкохол како активирач. Алкохолот може да предизвика дехидрација, што е значајна причина за главоболки.
Чоколадо
Се смета дека чоколадото е вториот најчест предизвикувач за напади на мигрена после алкохолот. Тоа влијаело на околу 22 проценти од луѓето кои имале мигрена. Чоколадото содржи и кофеин и бета-фенилетиламин, што може да предизвика главоболка.
Храна која содржи MSG
Мононатриум глутамат (MSG) е натриумова сол на глутаминска киселина, која природно постои во нашите тела. MSG се наоѓа во одредени видови храна и е присутен во многу намирници како додаток. Се смета дека е безбедно за јадење, но некои истражувачи го поврзуваат со напади на мигрена. Сериозни епизоди на мигрена имало кај 10 до 15 проценти од испитаниците.
Сувомесни производи
Сувото месо – вклучувајќи сувомеснати производи, шунка, виршли и колбаси – сите содржат конзерванси наречени нитрати, кои ја зачувуваат бојата и вкусот. Оваа храна може да ослободи азотен оксид во крвта, за кој се смета дека ги шири крвните садови во мозокот. Постојат некои докази дека азотен оксид може да предизвика или да придонесе за мигрена.
Презрели сирења
Презрелите сирења содржат супстанца наречена тирамин. Тоа се случува кога стареењето на храната предизвикува разградување на протеините. Колку подолго се старее сирењето, толку поголема ќе биде содржината на тирамин. Тирамин е уште една хемикалија предизвикувач на главоболки и мигрена. Вообичаените сирења со висока содржина на тирамин вклучуваат: фета, сино сирење, пармезан…
Кисела и ферментирана храна
Како и старите сирења, киселата и ферментирана храна може да содржи големи количини на тирамин. Овие намирници вклучуваат: кисели краставички, кимчи, комбуха…
Замрзната храна
Јадењето замрзната храна и пијалоци, како што е сладолед, може да предизвика сериозни, прободувачки главоболки. Најверојатно ќе доживеете главоболки кои стануваат напади на мигрена ако јадете ладна храна брзо, после вежбање или кога сте прегреани.
Солена храна
Солената храна – особено солената преработена храна која може да содржи штетни конзерванси – може да предизвика мигрена. Конзумирањето високо ниво на натриум може да го зголеми крвниот притисок, предизвикувајќи главоболки или напади на мигрена.
Leave a Reply