Внесувањето доволно растителни влакна е клучно за добро здравје на цревата. А еден од најлесните начини да ја добиете вашата дневна доза е со јадење повеќе храна богата со растителни влакна, вклучувајќи го и овошјето.
Јаболка
Едно јаболко содржи четири грама влакна, а благодарение на неговата содржина на вода, е корисно за целокупното варење и хидратација на телото. Пребиотиците во ова овошје, исто така, го поддржуваат растот на добрите цревни бактерии, што е корисно за цревниот микробиом.
Јаболката може да се комбинираат со путер од кикирики или сирење за заситувачка ужина или да се додадат во здрава салата од кељ и киноа богата со растителни влакна.
Авокадо
Едно авокадо содржи девет до десет грама влакна. Исто така, тоа е одлично овошје за здравјето на цревата, поддржувајќи ја нивната функција.
Можете да добиете добра количина на растителни влакна дури и со половина авокадо на парче тост. Во комбинација со јајца, добивате заситен оброк со висока содржина на протеини.
Шумски плодови
Бобинките, вклучувајќи ги малините и боровинките, го поддржуваат здравјето на цревата, а влакната се само една од нивните придобивки. Тие се исто така богати со полифеноли, кои можат да помогнат во намалувањето на воспалението во телото.
Одлични се за јадење сами, но и во смути, во комбинација со јогурт или сирење.
Киви
Кивито е одлично овошје кое помага при редовно празнење на цревата, а може да помогне и во ублажување на болките во стомакот кај некои луѓе. Ова овошје е добар извор на витамин Ц и калиум, кои можат да помогнат во одржувањето на стабилен крвен притисок.
Секако, кивито е исто така богато со растителни влакна, но е богато и со ензимот актинидин, кој дополнително го помага варењето на храната.
Крушите се полни со шест грама влакна, хидрираат и се богати со калиум. Тие исто така имаат низок гликемиски индекс, што е корисно за луѓе кои го следат шеќерот во крвта.
На крај, но не и најмалку важно, тие се разновидни и се погодни и за слатки закуски, како што се овесни снегулки, и за солени салати, пишува Eating Well.
