Пред средбата со американскиот државен секретар Марко Рубио во Ватикан, папата Лео го повтори ставот дека Црквата е на страната на жртвите од војната и дека има обврска јасно да го осуди насилството и да го брани достоинството на човечкиот живот. 
Се очекува Рубио да биде пречекан во дворот на црквата Сан Дамасо, по што е планирана аудиенција кај Папата, објави Анса.
Американскиот државен секретар Марко Рубио денес се среќава со папата Лав XIV во Ватикан, додека американскиот претседател со недели го критикува поглаварот на Католичката црква поради војната со Иран, објави Ројтерс.
Рубио, кој е и советник за национална безбедност на Трамп, треба да пристигне во Апостолската палата во Ватикан околу 11:15 часот наутро за првата средба меѓу папата и член на администрацијата на Трамп по речиси една година.
Се очекува средбата зад затворени врати да трае околу половина час, по што Рубио ќе се сретне и со шефот на ватиканската дипломатија, Пјетро Паролин.
Нападите на Трамп врз Папата
Лео, првиот папа од Соединетите Американски Држави, го налути Трамп кога почна да ја критикува војната меѓу САД и Израел против Иран и антиимигрантската политика на администрацијата на Трамп.
Претседателот продолжи со невидена серија јавни напади врз папата во последните недели, што беше критикувано од христијаните од целиот политички спектар.
Во понеделник, Трамп лажно тврдеше дека папата верува дека е во ред Иран да се здобие со нуклеарно оружје и рече дека Лео „загрозува многу католици“ со своето противење на војната, пишува Ројтерс.
Папата им изјави на новинарите по последниот напад дека шири христијанска порака за мир. Папата, исто така, остро го отфрла тврдењето дека поддржува нуклеарно оружје, кое е неморално според учењето на Црквата.Во своето обраќање до верниците, Папата нагласи дека Црквата „ја чита и толкува историјата преку Евангелието“, го осудува злото и се залага за сиромашните, експлоатираните и жртвите на војната, нагласувајќи дека нејзината задача вклучува јасно изразување морални ставови во современите конфликти.
По средбата со Папата, се очекува Рубио да разговара со државниот секретар на Ватикан, Пјетро Паролин, кој рече дека САД остануваат клучен партнер на Светата Столица.
Тема на дискусија ќе бидат голем број меѓународни прашања, вклучувајќи ја ситуацијата во Латинска Америка, Куба, Либан и Газа.
Во последните недели, Папата постојано ја нагласуваше потребата од мир и ги критикуваше политичките пристапи што ги смета за исклучиви, додека Паролин дополнително ги посочи предизвиците на современата европска политика и улогата на Црквата во јавната сфера.
Претседателот на САД, Доналд Трамп, изјави дека Иран не смее да поседува нуклеарно оружје, нагласувајќи дека нивното стекнување би претставувало сериозна закана за глобалната безбедност.
