Сончево и топло време не очекува денес. Синоптичарите најавуваат дневните температури од 24 до 31 степен.
Ќе дува слаб до умерен, а во источните делови повремено засилен северозападен ветер со брзина над 40 km/h.
Во Скопје, слично време со утринска температура до 12 и максимална до 30 степени.
Утре и понеделник претпладне ќе биде променливо облачно со сончеви периоди, а во попладневните часови ќе има услови за локална појава на пороен дожд, грмежи и засилен ветер. Во вторник и среда времето ќе биде променливо облачно со сончеви интервали и релативно стабилно, а од четврток повторно се очекуваат врнежи од дожд, грмежи и засилен ветер.
