Друштвото на писатели на Македонија денеска избира нови членови на Управниот одбор и претседател поради истекување на мандатите.
Редовното изборно собрание ќе биде од хибриден карактер односно активните членови ќе можат да учествуваат со физичко присуство, но и по електронски пат.
На конкурсот за претседател што го објави ДПМ како единствен кандидат е пријавена Гордана Јовиќ-Стојковска – романописец, раскажувач, поетеса, преведувач и книжевен критичар, творец на дела на македонски и на српски јазик, поранешна претседателка на Македонска книжевна младина.
