Родителите на загинатите во пожарот во дискотеката Пулс по денешното судско рочиште на кое поранешниот директор на Дирекцијата за заштита и спасување Шабан Салиу негираше дека е негов потписот на документите што како докази ги презентираше Обвинителството, сметаат дека тоа отвара уште посериозни прашања.
– Слушнавме дека дел од потписите не биле на обвинетиот. Иако на документите стоело неговото име како директор, остана впечаток дека најголемото прашање повеќе не е кој ја водел институцијата, туку кој го држел пенкалото, изјави Александар Наунов од Здружението „16 Март“.
Според него, ако навистина потписот не е на Салиу, туку некој други ги потпишувал документите тогаш тоа значи дека имало системски пропусти.
– Ако некој можел да става туѓ потпис, да поминуваат планови и извештаи без знаење на раководството, тогаш прашањето е каде била контролата, рече Наунов.
