Овогодинешното Светско првенство ќе биде спектакуларно, бидејќи три земји ќе бидат домаќини на најгледаниот спортски турнир во светот.
Играчите имаат и лични амбиции. За некои од нив, ова ќе биде прво учество на Светско првенство, додека за други ќе биде следно.
Куриозен факт е дека најстариот фудбалер на Светското првенство во 2026 година лесно би можел да биде татко на најмладиот учесник на него.
Крег Гордон , кој го чува голот за Шкотска, има 43 години, што го прави најстариот играч на Светското првенство во САД, Канада и Мексико.
Излегува дека нема толку малку играчи над 40 години колку што можеби мислиме. Според „Бличер рипорт“, вкупно има седум, а тоа го вклучува и Кристијано Роналдо.
Додека најмлад е Мексиканецот Гилберто Мора со своите 17 години. Исто така, има доста играчи под 22 години. Нивниот број е 22, а најзначајното име меѓу нив е Ламине Јамал.
Вкупно 22 играчи кои го освоиле Светското првенство ќе учествуваат на овогодинешното издание на турнирот.
Земји како што се Зелено’ртските Острови, Брегот на Слоновата Коска, ДР Конго, Курасао, Сенегал и Уругвај немаат ниту еден играч што игра во своите домашни лиги во своите состави .
