Народната банка ја затегнува монетарната политика. По подолго време, денеска Извршниот одбор на банката донесе одлука да ја зголеми основната каматна стапка за 0,25 процентни поени.
Ваквата одлука, објаснуваат оттаму, е донесена врз основа на најновите податоци и информации за ефектите од случувањата на глобално ниво врз домашната економија.
Гувернерот Трајко Славески денеска на прес-конференција соопшти дека од почетокот на годината била забележана поголема побарувачка на девизи од страна на корпоративниот сектор, но дека веќе од почетокот на мај се бележи стабилизација.
– Сепак, економските последици од геополитичките случувања се присутни, а неизвесноста околу темпото на целосната стабилизација на тековите и понатаму создава ризици. Опстојуваат и притисоците врз инфлацијата.
Имено, во мај годишната стапка на инфлација забави во согласност со очекувањата, но таа и натаму е на повисоко ниво и укажува на продолжена инфлација и побавно враќање кон историскиот просек. Истовремено, и дел од домашните фактори коишто влијаат врз побарувачката и инфлацијата уште повеќе ја нагласуваат потребата од претпазливост при водењето на монетарната политика, посочува централната банка.
Најновата одлука на Народната банка е очекувана со оглед на тоа што Европската централна банка на последниот состанок ги зголеми каматните стапки за 0,25 п.п.
