Променливо облачно време со сончеви периоди најавува за денес Управата за хидрометеоролошки работи. Попладне се очекува локален пороен дожд, грмежи и засилен ветер, а наместа ќе има поинтензивни процеси со пообилен пороен дожд (над 15 l/m²), грмежи, засилен ветер над 60 km/h и можност за град.
Минималната температура ќе биде во интервал од 13 до 19, а максималната ќе достигне од 22 до 34 степени.
Во Скопје, утринската температура ќе се спушти до 16-тиот степен, а максималната ќе се искачи до 30 степени.
До средината на следната работна седмица следува период на стабилно и претежно сончево време. Во сабота ќе дува засилен до силен, а во следните денови умерен до засилен северен ветер.
