„Целосно го разбираме незадоволството и тешкотиите што оваа состојба ги предизвикува, но сите заедно треба да помогнеме во оваа ситуација. Од први јули воведовме четири, а потоа и петчасовна рестрикција, во населбите Венец 1, Венец 2, Тараник и Ќернаница, но проблемот станува сè посериозен, бидејќи во делови на градот вода нема и повеќе часови, посебно во повисоките катови на станбените згради“.

Секоја употреба на водата што не е од суштинска потреба се смета за злоупотреба, велат од претпријатието и замолуваат граѓаните да не ја користат за наводнување, полнење на базени, миење дворови и тротоари. Додаваат дека секој заштеден литар помага повеќе семејства да имаат пристап до вода за пиење во овој период.

Од претпријатието додаваат дека нивни екипи во континуитет работат на стабилизирање на водоснабдувањето и преземаат мерки за што побрзо подобрување на состојбата.