Пет лица се убиени, а шест се повредени во украински напад со беспилотно летало врз московскиот регион , изјави гувернерот Андреј Воробјов, цитиран од Би-Би-Си.

Според него, главниот удар бил насочен кон општинскиот округ Чехов . Неколку пожари избувнале во индустриската зона на селото Новоселки, од кои најголемиот зафатил магацин. Гувернерот не прецизирал која била целта, но руските и украинските канали на Телеграм тврдат дека целта на нападот бил логистички терминал на „Вајлдберис“.

Според Воробјов, во нападот биле оштетени и електрична трафостаница и административна зграда.

Во меѓувреме, гувернерот на Ленинградската област објави дека украинските беспилотни летала нападнале и магацин во регионот. Досега нема информации за жртви или повредени.