На крајот од првата половина од оваа година, во фабриките за автомобили, кои се водечка германска индустрија, биле вработени 691.500 луѓе.

Ова е за 42.300 работници, или 5,8 проценти, помалку од претходната година.

Губење на работни места се евидентира и во други индустриски сектори, но тоа оди побавно. Во преработувачката индустрија, бројот на вработени се намали за 2,7 проценти, на 5,29 милиони.

Автомобилската индустрија е сè уште втор најголем индустриски сектор во Германија, по инженерството, со 905.900 вработени.

Отпуштањата беа особено изразени кај добавувачите на делови и додатоци за моторни возила, каде што вработеноста се намали за 7,6 проценти. Самите производители го намалија бројот на работни места за 6,1 процент.

Во помалиот сегмент на добавувачи, кој вклучува производство на каросерии и приколки, бројот на вработени се зголеми за 10 проценти, на 42.800.

Падот на вработеноста во автомобилскиот сектор е видлив веќе долго време.

Германското здружение на автомобилската индустрија предупреди во мај дека до 225.000 работни места би можеле да исчезнат до 2035 година.

Неколку производители и добавувачи неодамна објавија и програми за намалување на трошоците и отпуштања.