Американскиот претседател Доналд Трамп ги предупреди продавачите на гориво веднаш да ги намалат цените или да се соочат со „големи проблеми“. „Продавачите на гориво мора да ги намалат своите цени, СЕГА“, напиша Трамп на својата платформа Truth Social.
Трамп минатата недела објави дека му наложил на Министерството за правда да ги испита нафтените компании за тоа што не ги намалиле малопродажните цени на горивата во согласност со падот на цените на суровата нафта, обвинувајќи ги компаниите дека им „претеруваат“ на потрошувачите за гориво.
Републиканците сакаат да одржат тесно мнозинство на среднорочните избори
Цените на нафтата пораснаа оваа година откако САД и Израел започнаа напади врз Иран кон крајот на февруари, а Иран одговори со свои напади врз Израел и земјите од Персискиот Залив кои имаат американски бази.
Среднорочните избори, наречени така бидејќи се одржуваат на половина од претседателскиот мандат, традиционално се еден вид референдум за актуелниот претседател, и речиси по правило партијата на власт во Белата куќа го губи мнозинството во Конгресот.
Дипломатијата меѓу Вашингтон и Техеран за ставање крај на конфликтот неодамна доведе до делумно намалување на малопродажните цени на горивата за Американците. Нападите на САД и Израел врз Иран и израелските напади врз Либан убија илјадници, а милиони се раселија. Примирјето стапи на сила во април и оттогаш е продолжено, но САД и Иран се обвинуваат меѓусебно за негово кршење.
