Известителот на Европскиот парламент за Србија, Владимир Билчик, денеска изјави дека Србија, како најголема земја во регионот, има шанса да добие милијарди евра од Фондот за раст на Западен Балкан и дека затоа треба да се посвети на неопходните реформи.
– Колку повеќе земјата се обврзува на реформите, усогласувањето со Европската унија и целите за пристапување, толку повеќе пари ќе добие, рече Билчик, пренесоа белградските медиуми.
– Мислам дека Србија има добри шанси да добие голем дел од парите, бидејќи е најголемата земја на Западен Балкан, рече Билчик, додавајќи дека условот за одобрување средства е напредок во пристапниот процес, што подразбира домашни реформи напредок во дијалогот со Приштина и усогласување со надворешната политика на Европската Унија.
Тој посочи дека следен тест за нашата земја ќе бидат претстојните локални избори на 2 јуни и изјави дека институциите на Европската унија ќе следат како се води изборната кампања.
