Ова утро во Македонија имаме облачно време во најголемиот дел студено и претежно тивко и без ветер. По котлините и понатаму има појава на значителна ниска облачност и појава на магла.
Зимата во земјава и на северната хемисфера на Земјата календарски почнa вчера во 16 часот и 3 минути. Во истовреме на јужната Земјина полутопка почна летото.
На почетокот на зимата денот е најкраток, а ноќта најдолга.
До крајот на годината остануваат уште 9 дена.
Зимата ќе трае 88 дена 23 часа и 42 минути, односно до 20 март 2026 година кога на северната хемисфера настапува пролетта, а на јужната есента.
Денеска во најголем дел температурите се близу нулата а на повеќе места тие се и под нулата и има појава на слана и на мраз.
Појава на магла ќе има иденеска по одделни котлини, исто така и утре кога кон крајот на денот и во следните денови под влијание на серија влажни воздушни бранови ќе има повремени локални врнежи од дожд, наместа пообилни. Поради спуштање на постуден воздух од север на планините и на некои од повисоките места врнежите ќе преминуваат во снег.
