Генералното собрание на ОН го призна ропството на Африканците за време на трансатлантската трговија со робови како најлошото злосторство против човештвото , објави Би-Би-Си. Резолуцијата ја предложи Гана.

Предлогот беше усвоен со 123 гласа „за“ и три „против“ – САД, Израел и Аргентина. Педесет и две земји беа воздржани, вклучувајќи го Обединетото Кралство и земјите-членки на Европската Унија.

Во резолуцијата, поддржана од Африканската унија и Карипската заедница, се забележува дека последиците од ропството продолжуваат во форма на расна нееднаквост и неразвиеност, што ги погодува Африканците и луѓето од африканско потекло во сите делови на светот.

Земји како Велика Британија долго време ги отфрлаат повиците за репарации, велејќи дека денешните институции не можат да бидат одговорни за минатите грешки. За разлика од резолуциите на Советот за безбедност на ОН, резолуциите на Генералното собрание не се правно обврзувачки, иако ја носат тежината на глобалното јавно мислење.

Помеѓу 1500 и 1800 година, се проценува дека 12-15 милиони луѓе биле заробени во Африка и однесени во Америка, каде што биле принудени да работат како робови. Се проценува дека над два милиони луѓе починале за време на патувањето.