Наредните денови се очекува зголемување на водостојот на поголемите реки низ земјава особено на оние во јужните и централните делови на државата и долж Повардарието, предупредува Управата за хидрометеоролошки работи.
Денеска поголеми врнежи се очекуваат во јужните делови на земјата (околу планинскиот масив Кожуф) и во централните делови, односно во пределот на планинскиот масив Солунска Глава.
– Предупредуваме за можно зголемување на водостоите на реките во овие делови на земјата. Можни поголеми зголемувања на водостоите и полнење на речните корита пред се на помалите реки и суводолиците се можни во Гевгелиско-Валандовската котлина, во Кавадаречко-Неготинскиот регион, како и во југоисточните и источните делови на земјата, апелира Центарот за управување со кризи пренесувајќи информација од УХМР.
Се апелира на внимателно движење покрај реките и суводолиците во текот на наредните неколку дена.
