На плоштадот Македонија во Скопје денеска официјално за првпат почнуваат Плазма спортските игри за млади со што Македонија станува дел од оваа регионална спортска манифестација.
Над 27.000 деца од цела држава ќе бидат вклучени во разни спортски дисциплини коишто ќе се реализираат преку натпревари на локално, регионално и државно ниво, а најдобрите ќе одат на меѓународното финале кое годинава ќе се одржува во Сплит.
Плазма спортските игри е најголема младинска спортска манифестација која веќе 30 години организира спортски натпревари за деца од 6 до 18 години. Досега во игрите учествувале над 3.440.000 деца.
