Иран побара обесштетување, целосен суверенитет над Ормуз…
Планот на Иран, пак, повикува на прекин на војната на сите фронтови и предвидува дека САД мора да платат воени репарации, објавија државните медиуми. Според иранските државни медиуми, Техеран, исто така, побарал целосен суверенитет над Ормутскиот теснец, укинување на санкциите и ослободување на запленетиот ирански имот.
Според извештаите, раководството во Техеран го отфрли американскиот предлог. Трамп претходно го критикуваше одговорот на Иран на американскиот предлог за завршување на војната како „ЦЕлосно НЕПРИФАТЛИВ“.
Тој за новинската веб-страница „Аксиос“ изјави дека ќе го отфрли „несоодветниот“ одговор на Иран. „Не ми се допаѓа нивниот одговор“, рече Трамп, одбивајќи да даде дополнителни детали за содржината на писмото.
Тензиите во регионот ескалираа откако САД и Израел започнаа напади врз Иран на 28 февруари, предизвикувајќи ирански одговор против Израел и сојузниците на САД во Персискиот Залив, како и затворање на Ормутскиот теснец.
Прекинот на огнот стапи на сила на 8 април со посредништво на Пакистан, но разговорите во Исламабад не доведоа до траен договор.
Прекинот на огнот подоцна беше продолжен на неодредено време од страна на американскиот претседател Доналд Трамп за да се отвори простор за дипломатија и трајно решение на конфликтот.
Што сега?
Трамп не кажа дали САД ќе продолжат со преговорите. Спорот околу нуклеарната програма на Иран не беше споменат во одговорот, според извештаите, пренесува ДПА.
