Реформата сè уште треба да биде одобрена од Политбирото на Комунистичката партија и од кубанскиот парламент.

„Предложените мерки ќе овозможат решавање на долгогодишните противречности меѓу централното планирање и стимулациите“, изјави Дијаз-Канел пред новинарите во петокот.

Планирани се и промени во земјоделскиот сектор и реструктуирање на државниот апарат, додаде тој.

Исто така, некои економски активности што претходно беа забранети за приватни лица ќе бидат дозволени во иднина, рече тој, но не даде дополнителни детали.

Во последните месеци, американската влада го зголемува економскиот притисок врз Куба со низа санкции насочени кон постигнување политички и економски реформи на островот.

Односите меѓу Вашингтон и Хавана се затегнати уште од револуцијата во 1959 година предводена од Фидел Кастро, пишува германската агенција dpa.