Британската актерка Сиена Милер (44) ги објави првите фотографии од своето трето дете, второ што го доби со свршеникот Оли Грин. Актерката во мај дискретно потврди дека се породила, велејќи само: „Се случи. Покрај себе имам мало бебе“. Сега на социјалните мрежи, таа сподели увид во првите недели со новороденчето, со опис „Свет на возрасните“.
На една фотографија се гледа и Сиена во поодмината бременост како лежи во креветот, додека собата е исполнета со фотографии од детството на Грин, играчките и спортските сувенири сугерираат дека двојката престојувала во неговиот семеен дом пред да се породи.
И самиот Оли се појавува на неколку фотографии, видливо емотивен додека во болницата го држи бебето, а подоцна и додека турка количка во близина на нивниот дом во Лондон. Грин објави и селфи со подочници со опис „родителство“, сугерирајќи на животот со новороденчето.
Враѓање на работа и малку сон
Сиена, која од врската со поранешниот партнер Том Стариџ ја има и 13-годишна ќерка Марлоу, бременоста ја откри во декември на доделувањето на Модните награди. Само три недели по породувањето, таа се врати на работа, а во емисијата „Вечерно шоу со Џими Фалон“ во мај призна дека функционира со мошне малку сон.
Зборувајќи за ноќниот лет до САД, каде што го промовирала филмот „Jack Ryan: Ghost War“, таа рекла: „Се чини дека составувањето реченици стана вистински предизвик. Спијам мошне малку, но сум лудо заљубена во моето бебе. Лудо е воопшто и да се разговара и да се носи фустан. Каква промена по пижамите.“
На прашањето на водителот кое дете е позахтевно, таа одговорила: „Би рекла дека со тинејџерка е потешко да се излезе на крај, но тоа беше пред вчерашниот прекуокеански лет со мало дете и новороденче. Малата сега победува без сомнение. Тоа беше целосна катастрофа. Немаше преговорања. Кога стигнав до пасошка контрола, едноставно се скршив.“
