Два нови пожари попладнево избувнаа во општина Македонски Брод и општина Штип. Едниот пожар е над селото Белица во Македонски Брод, а вториот помеѓу населбите Баби и Дузлак над филтер станицата во општина Штип.
Според информациите од Дирекцијата за заштита и спасување, пожарот над селото Белица на границата со Јасен е релативно мал, но е на исклучително тешко пристапен терен, а во пожарот во Штип зафатена е борова шума.
ДЗС информира дека во гаснењето на пожарот над селото Белица ќе полетаат два ер трактори, а пожарот во Штип засега го гаснат пожарникари од Противпожарната бригада во Штип, а се очекува помош и од неколку доброволни противпожарни друштва.
