Најдобриот српски тенисер Новак Ѓоковиќ се пласираше во полуфиналето на Вимблдон, откако вечерва го победи Канаѓанецот Феликс Оже-Алијасим во четвртфиналето со резултат 7:6 (12:10), 3:6, 6:3, 6:7 (4:7), 7:6 (10:4) по пет часа и 15 минути игра.
Ѓоковиќ, седумкратниот шампион на Вимблдон, ќе игра против бранителот на титулата Јаник Синер во полуфиналето во петок.
Српскиот тенисер промаши две сет-топки на сервисот на Оже-Алијасим во 10-тиот гем од првиот сет.
Потоа двајцата тенисери промашија по три сет-топки во тај-брејкот, а Ѓоковиќ беше поконцентриран и од 9:10 до 12:10 за 1:0 во сетови.
Оже-Алијасим направи брејк во осмиот гем од вториот сет и поведе со 5-3. Ѓоковиќ потоа имаше две брејк топки во следниот гем, но Канаѓанецот успеа да го задржи сервисот и да го израмни сетот на 1-1.
Србинот го доби третиот сет откако направи брејк во шестиот гем.
Ѓоковиќ направи брејк на Оже-Алијасим на почетокот од четвртиот сет и поведе со 2-0. Канаѓанецот го врати брејкот во четвртиот гем и го израмни сетот на 2-2.
Потоа двајцата играчи го држеа сервисот до тајбрејкот, кој Оже-Алијасим го доби со 7-4.
Србинот пропушти три брејк топки во вториот гем од петтиот сет. Потоа двајцата играчи го држеа сервисот до тајбрејкот, кој Ѓоковиќ го доби со 10-4 и се пласираше во завршната четворка на Гренд слем турнирот во Лондон.
