Американскиот претседател Доналд Трамп ѝ нареди на војската да биде во состојба на готовност за напад доколку Иран изврши или се обиде да изврши атентат врз него.

Во објава на неговиот профил на Truth Social, тој напиша дека „1.000 ракети се во состојба на готовност и се насочени кон Иран, а уште илјадници ќе следат веднаш доколку иранската влада ја оствари својата закана – упатена во многу делови од светот – да го убие или да се обиде да го убие актуелниот претседател на Соединетите Американски Држави, во овој случај – МЕНЕ!“, објасни Трамп.

Тој додаде дека веќе издал наредби „и дека вооружените сили на САД се подготвени, желни и способни – за период од една година, со можност за продолжување – целосно да ги уништат сите области на Иран – СЛАВА НА АЛАХ!“, се закани Доналд Трамп.

Потсетуваме дека оваа недела САД и Иран разменија удари откако иранските вооружени сили ја нападнаа американската воена инфраструктура во земјите од Персискиот Залив како одговор на американските напади врз јужните крајбрежни и источни провинции на Иран.

Во оваа прилика, Трамп објави крај на прекинот на огнот што беше постигнат меѓу двете земји во јуни, но преговорите продолжуваа. 

На 7 и 8 јули во Анкара, Турција, се одржа самит на НАТО. По завршувањето на самитот, враќајќи се во Соединетите Американски Држави, стана јасно дека американскиот претседател го сменил авионот во Обединетото Кралство, при што тој негираше дека тоа е поврзано со безбедносни проблеми, но изјави дека постојано е под закана и дека е „број еден на нивната листа“.

На 10 јули стана јасно дека  Израел споделил разузнавачки информации со Соединетите Американски Држави дека Иран развил нов план за атентат врз Доналд Трамп.