Сезоната на лубеници официјално е отворена и големиот лов на најсочната и најзрелата лубеница повторно започнува. Бидејќи секој бара одреден вкус и сладост со кои сака да се награди себеси.
Богатата боја можеби ни ветува сочен и полн вкус, но има некои работи на кои треба да обрнеме внимание за да не бидеме разочарани. Зборуваме за пукнатини. Понекогаш може да помислиме дека тие се добар знак што треба да го бараме кај лубеницата, бидејќи таа сигурно е зрела.
Што укажуваат пукнатините?
Свежата лубеница обично има мазна, цврста кора без никакви дамки. Пукнатини на кората може да се појават со текот на времето. Ова значи дека лубеницата старее. Пукнатините може да бидат и знак на стрес за време на растот.
А исто така и за невнимателен транспорт. Без разлика на причината, подобро е да се избегнуваат лубеници со пукнатини. Бидејќи бактерии или други загадувачи можат да влезат преку нив. Сосема логично, ова може да доведе до побрзо расипување или дури и труење со храна, пишува Better Homes & Gardens.
Пукнатините влијаат и на правилната распределба на шеќерите и соковите во овошјето. Исто така, преку пукнатините во кората, лубеницата губи дел од влагата во своето јадро. Ова влијае не само на вкусот, туку и на корисните својства на овошјето.
