Организацијата за поморски трговски операции на Обединетото Кралство (UKMTO) во вторник соопшти дека добила извештај дека друг танкер бил погоден од непознат проектил 70 наутички милји (околу 130 километри) југозападно од саудискиот град Ал Шукаик на брегот на Црвеното Море.
Во соопштението на UKMTO се вели дека нема извештаи за жртви или негативни влијанија врз животната средина, објави Ројтерс.
„Капетанот на танкерот потврди дека бродот бил погоден од непознат проектил, што предизвикало пожар кој екипажот моментално го гаси“, се вели во соопштението на UKMTO.
UKMTO во вторник соопшти дека добил повеќекратни извештаи за танкер погоден од непознат проектил, објави Ројтерс претходно.
Инцидентот се случил осум наутички милји источно од Лимах, Оман, а властите истражуваат.
Според агенцијата, службеник за безбедност на компанијата што управува со танкерот пријавил дека екипажот го напуштил бродот и се качил на чамец за спасување, и дека не е пријавена никаква еколошка штета.
