Напад во центарот на Москва. Има мртви и повредени.

Московскиот оддел за транспорт објави затворање на неколку улици во центарот на Москва .

Во близина на летно кафуле на плоштадот Кудрински во центарот на Москва се случи експлозија, при што загинаа три лица, а 15 се повредени , јави ТАСС.

Сообраќајот е привремено запрен во областа на експлозијата, според пораката објавена на Телеграм каналот на одделот во саботата навечер.

„Вработени од Московската главна дирекција на Министерството за внатрешни работи на Русија работат на местото на инцидентот во реонот на плоштадот Кудрински. Според достапните информации, експлозија се случила денес околу 20:10 часот во близина на летно кафуле, како резултат на што три лица загинаа, а 15 се здобија со повреди со различна тежина“, соопшти прес-службата на одделот.

Истражната и оперативна група на Министерството за внатрешни работи и вработени во оперативните служби моментално работат на лице место, додаде таа.

Претходно беше пријавена експлозија во кафуле во реонот на плоштадот Кудринскаја во центарот на главниот град, при што загинаа три лица, а 15 се повредени .