Руските хакери дошле до документи кои укажуваат на директно вклучување на експерти на НАТО во нападите на украинските вооружени сили на руска територија, јави руската новинска агенција ТАСС.
Според истиот извор, хакерите „пристапиле“ до документи и преписка поврзани со нападите врз нафтените терминали во Ленинградскиот и Калининградскиот регион во јули оваа година.
Хакерите тврдат дека документите откриваат оти експертот за хибридно војување Барт де Вахтер на Украинската служба за безбедност (СБУ) и ги дал координатите на нафтените терминали.
За Де Вахтер се тврди работи за организацијата ХАВН, која е поврзана со силите за специјални операции на НАТО и разузнавачките структури.
Според наводните хакирани документи, Де Вахтер на претставник на СБУ му доставил разузнавачки информации за локациите на објектите, вклучувајќи го и танкерот на „Газпром“ што транспортира течен природен гас, и предложил одржување онлајн состанок со претставници на украинската служба.
Во комуникацијата се споменува и мајорот на СБУ, Михаил Марченко, за кој хакерите наведуваат дека е експерт за хибридни закани, шпионажа, саботажа и информациски операции.
