Властите на канадската покраина Британска Колумбија прогласија вонредна состојба поради шумскиот пожар во Балд Рејнџ и евакуира околу 18.000 луѓе. Пожарот зафати површина од над 10.300 хектари, а пожарникарите продолжуваат да се борат со огнената стихија.
Канадската Федерална влада соопшти дека ќе ѝ помогне на Британска Колумбија во справување со огнот и во обезбедување засолништа и сместување за евакуирамите жители.
Службата за шумски пожари на Британска Колумбија соопшти дека пожарот брзо се шири поради топлото и суво време, додавајќи дека слабата видливост и ширењето на огнот им го отежнуваат работењето на леталата и пожарникарите на терен.
🇨🇦🔥 A fast-moving wildfire has forced more than 20,000 people to evacuate communities along Okanagan Lake in British Columbia overnight into Saturday, Aug. 8. The entire district of Summerland (pop. 12,000) is under evacuation order, plus ~8,000 more in and around Peachland.… pic.twitter.com/70slf43IWE
— 🔥🗞The Informant (@theinformant_x) August 8, 2026
Во гаснењето се вклучени десет хеликоптери, вклучително и еден со опрема за ноќно летање, но нивните активности се попречени од турбуленции поради густ чад од пожарот.
Покрај 34-те пожарникари од Австралија, петмина од Нов Зеланд и 214 од Мексико кои веќе дојдоа на помош на нивните колеги од Канада, се очекува во наредните денови во Британска Колумбија да пристигнат и дополнителн број пожарникари од странство.
