По кибер напад врз системот на добавувач на медицински софтвер во Полска, дошло до масовно протекување на медицински и лични податоци на речиси 19 милиони граѓани, соопшти полскиот министер за дигитална безбедност Кшиштоф Гавковски.
Според него, инцидентот е „едно од најголемите“ пробивања на кибер безбедноста во историјата на Полска, која има 37 милиони жители.
„Во моментов нема индикации дека станува збор за надворешен напад, кој можеби потекнува од Русија или од која било друга земја“, рече Гавковски.
Првичните наоди укажуваат на кибер криминалци кои дејствуваат за финансиска добивка, рече министерот, но според министерот, властите исклучуваат можност за плаќање откуп.
Гавковски најави и дека сторителите ќе бидат „немилосрдно“ гонети.
Украдените податоци изнесуваат околу два терабајти и се однесуваат на информации поврзани со медицински консултации, рецепти и други документи што најчесто се користат за следење на здравјето на пациентите.
Природата и обемот на компромитираните податоци варираат од личност до личност, рече Гавковски, најавувајќи имплементација на систем што ќе им овозможи на граѓаните да проверат дали нивните податоци се украдени.
Инаку, услугите на нападнатата компанија ги користеле приближно 12.000 медицински установи.
