Ана де Армас изгледа дека го поминува летото во друштво на нов партнер. На почетокот на август, таа беше забележана на романтично патување на шпанскиот остров Форментера – најмалиот од Балеарските Острови во Средоземното Море – со венецуелскиот пејач Бето Монтенегро.

38-годишната актерка од „Русокосата“ беше фотографирана како се држи за раце со пејачот и се бакнува на пат кон плажата. Двојката првпат беше поврзана претходно ова лето откако беа видени заедно во Мадрид. Шпанското издание „Хола“ дури објави и видео од нив како танцуваат заедно на концерт.

Бето Монтенегро е фронтменот на венецуелскиот бенд „Равајана“, кој во 2025 година стана првиот венецуелски уметник кој освои Греми за најдобар латино рок или алтернативен албум. Најновиот шести албум на „Равајана“, „¿Dónde es el after?“, беше неодамна издаден.

Последната позната врска на Ана де Армас беше со Том Круз, при што двајцата се забавуваа од февруари 2025 година и продолжија да се појавуваат во јавноста во текот на летото, вклучително и за време на заедничкиот одмор во јули кога беа фотографирани држејќи се за раце.

Сепак, нивната врска никогаш не беше официјално потврдена, а двајцата очигледно се разделија од октомври минатата година. Според извор близок до актерката, таа е слободна веќе некое време, но е во пријателски односи со Круз, со кого има претстоен филмски проект.

Де Армас претходно беше поврзана со Мануел Анидо Куеста, посинок на кубанскиот претседател Мигел Дијаз-Канел Бермудез, како и со Бен Афлек, со кого имаше врска помеѓу 2020 и 2021 година, потсетува „Пипл“.

Извор: Инстаграм / Ана де Армас САД

Ана со Бен Афлек

По разделбата од Афлек, Ана де Армас во интервју за „Ел“ во 2022 година сподели дека нејзината одлука да го напушти Лос Анџелес делумно била поврзана со зголеменото внимание на јавноста околу нејзиниот личен живот