Претседателот на Соединетите Американски Држави, Доналд Трамп, денес го повика американскиот Сенат да усвои закон за укинување на часовниците за време на преминот од летно и зимско сметање на времето.
„Сенатот мора да гласа за законот за укинување на часовниците што е можно поскоро. Повеќе сончева светлина подоцна во денот е подобра, вклучително и борбата против криминалот“, рече Трамп во објава на социјалната мрежа Truth social.
Како што додаде, уште поважно е да нема повеќе „смешно“ менување на часовниците двапати годишно, со сите нарушувања и хаос што ги предизвикува.
„Направете го тоа конечно“, заклучи Трамп.
Американскиот Конгрес првпат го воведе летното сметање на времето во 1918 година, за време на Првата светска војна, за да заштеди гориво и подолго да ја користи дневната светлина.
Мерката беше укината и повторно вратена за време на Втората светска војна.
Сепак, американските држави Хаваи и Аризона, како и прекуокеанските територии Порторико, Гуам и Американска Самоа, не ги менуваат своите часовници, туку трајно се на таканареченото стандардно време.
