Кремљ ѝ се закани на Обединетото Кралство со дипломатска војна . Заканата доаѓа по извештаите дека британски беспилотни летала биле употребени за прв пат за напади врз цели на руска територија, пренесува ДПА.

Руската амбасада во Велика Британија објави дека овие извештаи потврдуваат дека Лондон намерно се обложува на ескалација на кризата во Украина .

„Дејствата на Лондон неизбежно ќе имаат последици за кои британската влада ќе мора да одговара“, додаде амбасадата.

„ Велика Британија стои рамо до рамо со Киев и ние сме решени да ја обезбедиме опремата што ѝ е потребна на Украина за да се одбрани од нелегалната инвазија на Путин“, одговори британското Министерство за одбрана.

Стратегијата на Украина за напади со беспилотни летала длабоко во задниот дел на Русија има за цел да ги намали воените приходи на Москва и да ги натера руските граѓани да ги почувствуваат последиците од агресијата.