Британската пејачка Лорен Бенет, која стекна светска популарност со појавувањето во хитот „Party Rock Anthem“ од американското дуо LMFAO, почина на 37-годишна возраст, објави денес нејзината поранешна музичка група G.R.L.
„Со голема тага ја споделуваме веста за смртта на нашата сакана Лорен. Срцата ни се скршени и не можеме да опишеме колку многу ни значеше“, се вели во соопштението објавено на Инстаграм од членовите на групата Емалин Естрада, Наташа Слејтон и Паула ван Опен.
Причината за смртта не беше објавена, а претставниците на пејачката не одговорија на медиумските прашања.
Бенет стекна светска слава во 2011 година како вокалистка на песната „Party Rock Anthem“, која беше на првото место на листата на синглови на Билборд шест недели.
Тоа беше еден од двата хита на LMFAO што го достигнаа врвот на американските топ листи, заедно со песната „Sexy and I Know It“.
G.R.L. е формиран во 2011 година како наследник на Pussycat Dolls, а меѓу нивните најпознати песни се „Ugly Heart“ и „Wild Wild Love“, која ја сними со раперот Pitbull.
Членката на G.R.L., Симон Батл, почина во 2014 година.
