Проектот за филтер станицата на изворот Вруток започнал во 2011 година, а бил завршен во 2014 година и бил предаден на користење на јавното претпријатие „Комуналец“.
– Снабдувањето со вода за пиење, одржувањето на водоводните системи, собирањето и третманот на отпадните води, се надлежност на општините и на јавните комунални претпријатија. Општините се првата линија на одговорност за безбедното функционирање на овие системи, како и за воспоставување и заштита на санитарните заштитени зони околу водните извори, изјави министерот за животна средина Муамет Хоџа на прес-конференција во Вадата.
Хоџа очекува брза, темелна и транспарентна истрага за целосно расчистување на случајот и соодветна одговорност за сите инволвирани.
