Аеродромот во германскиот град Лајпциг минатата ноќ ги откажа сите летови, откако во близина на украински товарен авион од типот Антонов бил регистриран дрон опремен со експлозиви и детонатор.
Инцидентот го потврди и НАТО соопштувајќи дека летовите на аеродромот биле суспендирани поради безбедносен инцидент.
Покрај забележаниот дром, во близина на пистата на јужниот дел на аеродромот е пронајден сомнителен предмет. Предметот бил прегледан од полицијата, која користела робот за отстранување експлозиви.
По ова неколку авиони, вклучувајќи и еден патнички, биле пренасочени кон други аеродроми.
Полицијата истражува дали постои врска помеѓу неидентификуваниот летачки објект и сомнителниот предмет, нагласувајќи дека сепак нема непосредна закана.
Германските медиуми јавија дека северниот дел од аеродромот е отворен рано изутринава, додека јужниот дел, каде се уште трае истрагата, останал затворен.
❗️🇩🇪🇺🇦 A drone with explosives and a detonator was found on the ground at Leipzig Airport at night. The drone was near a Ukrainian Antonov cargo plane, which caused the airport to temporarily suspend operations, – Bild
After the incident, one cargo plane was forced to re-land.… pic.twitter.com/4T6ZGmMXJh
— MAKS 26 🇺🇦👀 (@Maks_NAFO_FELLA) August 5, 2026
Аеродромот во Лајпциг игра значајна улога во транспортот на воена опрема, особено за потребите на германската војска и сојузниците на НАТО, а служи и како база за флотата на украинската транспортна авиокомпанија „Антонов Ерлајнс“. Аеродром е и седиште на европскиот центар за сортирање на „ДХЛ Експрес“.
Инаку, ова не се првите безбедносни инциденти на аеродромот во Лајпциг во последниве месеци. Во јули 2024 година, пакет се запали во објект на ДХЛ пред да биде натоварен во авион. Шефот на германската разузнавачка агенција обвини дека зад инцидентот стои Москва.
Во септември 2025 година, кинески државјанин беше осуден за шпионажа затоа што му дал на поранешен асистент на екстремно десничарски пратеник информации за летови, товар и патници на аеродромот, вклучително и информации за транспорт на воена опрема и луѓе „со врски со германска компанија за оружје“.
